🌻 基礎 20B ～ Katrina 同學 🌻
同德芳結緣係來自一支自製的天竺葵調油，由2018年開始，因為升到管理層，人生壓力開始升至巔峰，伴隨身體開始失調，失眠，縱使去睇中醫一路調理，身體有所改善但係心理方面仍然難以調整至正常狀態。
直到2019年中，媽媽患病將我人生推到谷底，身體既透支以及情緒壓力，長時間工作＋照顧媽咪兩邊走，導致我長期失眠，脾氣暴燥，呢個時候，有位朋友送左一支名為甜甜入睡的按摩油，仍然記得很清楚，一打開時那種香氣迅速令到我情緒穩定，而且個種香氣係非常討好，那一晚係接近那1年多時間內，第一次安穩入睡，亦種下左德國芳療呢一個派系係我心中。時至今日，我仍然有同該位朋友置入此調油，奇怪既係，我以為呢種香氣會與當時狀況綁定感覺，但係事實無，反而每一次使用，都仍然令我有沉穩的感覺，呢種感受，令我好想去了解，到底精油既運作係點？
接著，個一支天竺葵除左幫助左我睡眠狀況及情緒管理之外，我亦有帶去俾當時患重病既媽咪塗抹。
當時既我對芳療無認識，只係覺得，呢支油可以令我放鬆，令我安穩入睡，或者都可以幫助到當時受病患困擾難以入眠既媽咪。
用係媽咪身上，反應無係我身上甘大，不過亦有令佢本來短暫睡眠既時間，質素有改善，入睡情況都有改善。
呢段時間主力照顧媽咪，直至媽咪離世之後，係靜落黎既時間，先再慢慢稔返，點解支油有用，點解支油可以甘舒服，加上本身對香氣既喜愛，開始考慮搵有關課程讀，最後一路問朋友，自我了解同分析過後，最後選擇踏上德國芳香照護的路上。
相片: Eir Academy of Holistic Therapy
Photo: Eir Academy of Holistic Therapy
Comments